ARAU SUBSIDIARIOAK-ALEGAZIOAK (2005/10/11)

Orain hilabete batzuk, Urretxuko Osoko Bilkuran, Herribideren kontrako botoarekin, Arau Subsidiarioen berrikuspenaren dokumentua eta proiektua onartu zen. Hau dela eta, oraingoan ere, proiektu honek sortzen dizkigun kezka eta desadostasunak azaltzera gatoz.

Ondorenean HERRIBIDE plataforma osatzen dugunok aurkezten dugun idatzi honen helburua, egun Urretxuko Udalean lehenengo onarpenaren ondoren, AASSen berrikuspenean zabaldu den alegazio aukerari erantzutea da. Hau dela eta, udal honetan dugun ordezkaritza politikoari erantzunez, AASSen berrikuspenerako aurkeztu zaizkigun dokumentuan azterketatik ondorioztatutakoak aurkeztera gatozkizue. Ondorio hauek, finean, alegazioak dira eta etorkizunean udal honetan onartu nahi den AASSen berrikuspenean bere islada izatea da gure helburua.


Beraz, ondoren AASSen berrikuspenerako aurkeztutako dokumentuen inguruko hausnarketaren ondorioz honako hauek alegatzera gatoz;

1.- ALEGAZIOA

Arau Subsidiarioen gaia aztertzerako eta alegazioak aurkezterako orduan, lehenik eta behin aurkezten zaigun zailtasuna hizkuntzarena da. Gaur arte gai honen inguruan eman zaigun dokumentazioa bere osotasunean gazteleraz dago. Ondorioz, dokumentazioa aztertu eta alegazioak lantzeko orduan agerian dauden zailtasunak suertatzen dira. Beraz, alegazio honi jarraiki, egun gai honen inguruan dagoen dokumentazioa euskaratzea exigitzen dugu.


2.- ALEGAZIOA

- Udalaren inguruko lehen diagnostikora jotzen badugu, zeina Memoriaren “1.2- DIAGNOSTICO DEL MUNICIPIO, 1.2.2.1- EVOLUCION DE LA POBLACION” atalean agertzen den, bertan oraindik ere aztertzear eta beraz memorian isladatu beharko liteken atal baten gabezia somatzen dugu, populazioaren zahartzearen inguruko aurreikuspena, alegia. Populazioaren zahartzea ematen ari dela aipatzen bada ere, honek izango duen eboluzioaren inguruko azterketarik ez dagoela uzten da agerian. Zahartze prozesu honen klabeak zeintzuk diren aurreikusi gabe, zaila ikusten dugu udalak etorkizunean beharko dituen ekipamenduen (etxebizitza beharra, zerbitzuak….)inguruko planeamendu seriorik egotea.

- 1900 urtetik gaur egunera populazioaren joera zein izan den aipatzearekin bakarrik, ezer gutxi jakin daiteke. Argi dago Urretxuko giza egiturak, herriaren egituraketa estrukturalean duen eragin zuzena eta ekidiezina. Honen arira, nabarmena da azken urteetan Zumarragatik Urretxura eman den gizarte mugimendua eta mugimendu honen ezaugarriak, hots, etxebizitza eskaintzari erantzunez Zumarragatik Urretxura mugitu den jende gaztea. Herririk herrira eman den mugimendu honen arrazoia Zumarragak azken urteetan izan duen etxebizitza eskaintza eskaxari erantzuten dio, zeina Urretxuko egungo eta etorkizuneko azterketa demografiko batek kontuan hartu beharko lukeen.

Ondorioz, Urretxuko garapen demografikoaren nondik norakoak ezagutzea ezinbesteko baldintza bilakatzen da herriaren egituratzea planteatzeko. Helburua finean, egitura sozialaren eta egitura estrukturalaren oreka bilatzea da.

Populazioaren hazkundearen klabeak ondo ezagutu behar dira benetan herriak etorkizunean izango dituen behar errealei erantzun egokia eman ahal izateko.


3.- ALEGAZIOA

- “ II. ORDENACION, II.1- CRITERIOS Y OBJETIVOS GENERALES PARA LA REVISION DE NNSS, II.1.1- CRITERIOS ESTABLECIDOS POR LOS PLANES TERRITORIALES, A) DIRECTRICES DE ORDENACION DEL TERRITORIO” atalean, Urretxuko udal planeamendua Zumarragakoarekin konpatibilizatzearen beharra aipatzen da, integrazio morfologiko eta funtzionala helburu izanik. Aipamen hau oso garrantzitsua dela iruditzen zaigu, eta era berean aipamen honek AASSen berrikuspenerako aurkeztu diren dokumentu guztietan duen islada eskaxa nabarmena da. Aipatu baino ez da egiten eta ez da inongo aplikazio mailara iritsi. Honen arira, bai agertzen da Urretxuko eta Zumarragako AASSen erredakzio taldeen artean izandako bilera baten ingurukoa, baina ezer geihago.

1997ko otsailaren 11n onartutako “ DIRECTRICES DE ORDENACION TERRITORIAL” , D.O.Tean, etorkizuneko ejekuzioei begira, Urretxu eta Zumarraga hiri gune berdin baten baitan tratatuak izan behar direla aipatzen bada ere, Urretxuko AASSen erredakzioan ezer gutxi aipatzen da bi herrien artean egondako eta egon beharreko harremanen inguruan.

Egun Zumarragako herriak Urretxukoarengan duen eragin estrukturala eta soziala erabatekoa dela nabarmena izanik, beharrezkoa deritzogu bi udalen arteko irizpide minimo batzuen finkatzea. Irizpide hauek ez dute inolaz ere herri bakoitzak garatu nahi dituen AASSengan eraginik izango, eta bide eman behar dute planeamendu orekatu eta sustengatu bat bideratzeko.

Gauza bera gertatzen da mugikortasunaren gaiari heltzen diogunean, hots, lankidetzaren gabezia, zeina agerian geratu den azken hilabeteetan burutu diren trafiko mailako aldaketekin.

Aipatu dugun D.O.Taz gain ere, 2001eko martxoan, Eusko Jaurlaritzak eta Gipuzkoako Foru Aldundiak, “PLAN TERRITORIAL PARCIAL”, P.T.P delako dokumentuaren aurrelana onartu zuten. Aurrelan honetan, dokumentuak emango dituen helburu, irizpide eta konponbide orokorrak zehazten dira.

Bertan ere,- D.O.T-ean bezala, Urretxu Zumarraga hiri gune bakar bat bezala tratazen da, eta azken hamarkadetan eman den garapenaren ondorioz, gune asetu bat dela planteatzen da. Dentsitate maila altua izanik, garapen urbanistiko berririk ez egitea gomendatzen da, dagoeneko dagoenaren inguruko garapena planteatuz: gune historikoa, zaharkituak dauden zonaldeak , hau da etxe hutsen inguruko lanketa serio bat egitea. Garapen berriak egitekotan, beti ere hauek etxebizitza publikora bideratzeko gomendio argia ematen da.


4.- ALEGAZIOA

- “II.1- CRITERIOS Y OBJETIVOS GENERALES PARA LA REVISION DE NNSS, II.1.2- CRITERIOS Y BJETIVOS MUNICIPALES” atalean, hiru dira AASS berrikuspenerako planteatu diren helburuak. Hauen artean lehenengo bien inguruko alegazioa da hirugarren hau.

- 1.helburuan, bide egitura egoki baten beharra azpimarratzen da. Egun Urretxuko herriak dituen mugikortasun arazoak jakinak izanik, ondo definitu gabe daudela uzten dute agerian dokumentuek. Arrazoi serio eta objetiboetan oinarritu gabeko alternatiba baten planteamenduak hutsune ugari uzten ditu agerian. Beraz, mugikortasunaren inguruan azterketa serio bat exigitzen dugu, beronen ondorioetatik, benetan eraginkorra eta onuragarria izango den alternatiba ondorioztatuz.

- 2. helburuan populazioaren hazkundearen ondorioz dagoen etxebizitza eskaerari aurre egiteko, etxebizitza berrien eraikuntza planteatzen da. Lehen aipatu moduan, eskaxa edo hutsa da Urretxuko udalak populazioaren hazkundearen inguruan duen ezagutza. Beraz erruz justifika daiteke, etxebizitza berrien beharra eragile honekin. Era berean, D.O.T edo P.T.P bezalako dokumentuetan, argi eta garbi agertzen da herri honen etxebizitza politika etxebizitza sozialetara bideratu behar dela.

Honen baitan, egun Urretxun dagoneko urbanizatua baina erabili gabea dagoen lur zoruaren inguruko azterketa baten beharra planteatzen dugu, zeinaren barne etxe hutsak kokatzen diren, beste batzuen artean. AASSen inguruko dokumentazioa eraikuntza berrietarako guneak bilatzearen saiakeran dago bideratua, dagoeneko eraikia baina erabili gabea dagoen lur zoruaren inguruko datu eta alternatibarik eskaintzen ez duen bitartean.

Etxebizitzaren inguruko afera herri askotan bezalaxe, gurean ere garrantzi handikoa izanik, berebizikoa suertatzen da eskaini behar den etxebizitzaren inguruko tipologiak, herriak duen sare sozial eta beraz eskariarekin bat egitea. Hau horrela izanik, Urretxun behar den etxebizitza motaren inguruko pistak La Caixa 2005eko Uztailaren 12an aurkeztu zuen “ ANUARIO ECONOMICO” (Ikus, 2005eko Uztailak 13ko Diario Vasco egunkaria) txostenean aurkitu daitezke. Bertan Gipuzkoako herri guztietako herritarren errenta mailari dagokion taula agertzen da eta Urretxuarrak , zerrenda horretan, azpitik hasita 10. mailan kokatzen dira.


Ondorioz, etxebizitzaren inguruan egun dagoen “beharra” benetan aztertu beharreko gaia dela iruditzen zaigu, etxebizitza eskaintza handitu behar del zalantzan jarri gabe. Baina, benetako lana eskari eta eskaintzaren artean oreka maila minimo bat lortzean datza. Zentzu honetan eta egun bistara dauden datuak begiratuz, nabaria da etxebizitza sozialaren inguruan dagoen eskaria asetzeko udalak duen konpromiso maila eskaxa. Honen baitan ezinbestekoa da AASSen berrikuspen honetan, eraikia eta erabili gabe dagoen lur zoruari irtenbidea ematearekin bat, etxebizitza sozialaren aldeko politika bideratzea, planteatzen dena baino esfortzu handiago bat eginez.


5.- ALEGAZIOA

- “II.3- DESCRIPCION DE LA PROPUESTA DE INTERVENCION, II.3.6- SISTEMA DE COMUNICACIONES, II.3.6.2- INFRAESTRUCTURAS DEL TRANSPORTE, II.3.6.2.1- RED VIARIA GENERAL” atalean Iparragirre- labeaga- Ipiñarrieta bidearen paralelo joango den biala planteatzen da egun herriak dituen mugikortasun arazoei aurre egiteko. Baina zeintzuk dira zehazki egun Urretxuk arlo honetan dituen arazo zehatzak? Zeren alternatiba da biala?. Dokumentuan ez da aurkezten mugikortasunaren inguruko azterketarik,. Mugikortasunaren arazoa dagoela orokortzea dela iruditzen zaigu. Arazoa hor dagoela jakina bada ere zertan datzan, hots, honen ardatz nagusiak zeintzuk diren aipatu behar da dokumentuan, horrela eskeintzen zaion alternatiba eraginkorra izango dela ziurtatzeko.


Beraz aurkezten dena ez dugu alternatiba moduan ikusten, burutazio konkretu eta simple bat baino ez da. Arazoa, konplexua izanik, aurre planteamendu landuago baten beharra somatzen da.


7.- ALEGAZIOA

- “II.3- DESCRIPCION DE LA PROPUESTA DE INTERVENCION, II.3.8- EQUIPAMIENTO COMUNITARIO” atalean, emango den aldaketa bakartzat Ikastolaren kokapen aldaketa aipatzen da, soilik. Herri ekipamenduen gaia, ez da soilik hezkuntza arlora mugatzen. Kirola,kultura, aisialdia, haurrak, 3. adina, etab…zabal bat hartzen duen arloa da hau eta AASSen berrikuspen honetan ez da ezer berririk aurkezten, dagoenaren inguruko azterketa hutsa izanik. Beraz eta, ez da batere logikoa herriaren hazkundea helburu izan eta honek sortuko dituen beharren aurrean itsu mantentzea. Badirudi egun dauden ekipamenduak nahiko aizango direla datozen urteetan, edo behintzat horrela ematen du aditzera aipatutako atalak.
Urretxun mugikortasunaren eta etxebizitzaren mailako beharrak egonik ere, ekipamendu mailako beharrak ere badaude, eta berauek asetzeko planteamendu serio bat islatu beharko luke dokumentuak.




8.- ALEGAZIOA


Lehen onarpena jaso duen AASSen berrikuspenak, Urretxuko egituraketa estrukturalean aldaketa nabarmenak planteatzen ditu. Jakina da estrukturalki eman nahi diren aldaketa hauek eragin zuzena izango dutela egituraketa sozialean, hots, Urretxuarrengan. Azken hau da aurkeztu diren dokumentuetan aztertzen edo gutxienez aipatzen ez den atal bakarra. Izan ere Urretxuarrak dira bere herriaren jabe eta aldaketa hauen aurrean irabazten edo galtzen ateratzen direnak. Kompentsazio kontzeptua hirigintza arloan landua bada ere, ezer gutxi lantzen da giza arloan.

Beraz, eta planteatzen diren aldaketa estrukturalen aurrean Urretxuko herriak bere osotasunean, irabazteko ezer gutxi duela agerian da, herria kuantitatiboki handituz doan heinean kualitatiboki ezer gutxi garatzen bait da, egiten den planteamenduak ezer gutxi eskeintzen bait dio etorkizunean Urretxu osatuko duen sare sozialari.

Arau subsidiarioen inguruan...

Urretxuko Arau Subsidiarioen inguruan Herribidek duen iritzia plazaratzeko helburuz, bildu ditugu gaurko honetan komunikabideak. Atalez atal aurkeztuko ditugu gai desberdinak.

HIRIGINTZA GAIAK UDALETXETIK
Herriari, Alkatetzatik zuzendutako informazio interesatua eman zaio prentsa eta udal aldizkariaren bitartez. Zoritxarrez ohitura bihurtu den bezala, udal batzordeetan tratatzen ziren gai garrantzitsuen inguruan beste udal taldeei diskrezioa eskatu zaigun bitartean, gobernuko alderdiaren aldetik komunikabideen bitartez momentuan interesatu zaien informazioa zabaltzen aritu dira besteekin kontrastatu gabe.
Honela Urretxuko etxebizitza eta trafikoaren arazoak ekiditeko 400 etxebizitza eta errepide berri bat eraikitzeko oinarriak ezarriak direla esan digute behin eta berriz.
Arau subsidiarioen berritzearen proiektu desberdinen inguruan komunikabideen bitartez horrenbeste espekulatu duten bitartean, Urretxuko herriaren aurre iritzia baldintzatzen saiatu dira, azterketa oinarri sendorik ez duten proiektuak "bozgoragailuz" publiko eginez.
Proiektuaren helburuen alderdi onei buruz baino ez dira hitz egiten ari eta badago zer aztertua horren inguruan. Eta alderdi txarrak?
Herribidetik arduraz jokatu nahi dugu herritarrak informatuz eta gaiaren inguruko benetako eztabaida zabalduz. Horretarako konpromisoa harturik, atalez atal aztertu nahi genituzke gai desberdinak:

ARAU SUBSIDIARIOAK
Lehenik eta behin ondorengo hausnarketak zabaldu nahi genituzke Arau Subsidiarioen berritzearen inguruan:
Batetik, ez dagoela Urretxuko arazoetaz aritzerik, berau itsasoan galdutako irla bat izango balitz bezala. Hau da, ezin dela Urretxuko etxebizitza, trafiko, aparkaleku, zerbitzu publiko eta abarren arazoei buruz aritu, elkarren ondoan eta pega-pega duen Zumarraga kontutan izan gabe. Urolaren bestaldean ez dago amildegirik; irtenbideak bai ziurrenik.
Nahi edota ez nahi, Urretxu eta Zumarraga hirigune bat osatzen dute eta halako trataera eman behar zaie arazo desberdinei irtenbidea emateko orduan. Beraz eta lehen aipaturiko gai askoren inguruan elkarlaneko guneak eratu beharko dira. Hala dio "Plan Territorial Parcial" delakoak: "En el Alto Urola se propone la compatibilización de los planeamientos de Zumarraga y Urretxu." Egun, herri bakoitza bere bidetik doa.
Bestetik, eta berriro ere "Plan Territorial Parcial"-a eskuan hartuta, zera dio: "En el area de Zumarraga-Urretxu no deberán plantearse crecimientos significativos, dado el actual grado de densificación tal que se aconseja limitar los nuevos desarrollos, básicamente, a las calificaciones actualmente existentes permitiendose, exclusivamente, pequeñas recalificaciones para vivienda pública".
Urretxun 400 etxebizitza berri eta Zumarragan 1500 eraiki nahi dira. Hau da 1900 etxebizitza berri. Norbaitek gogoratzen al du zenbat etxebizitza huts dagoen Urretxu eta Zumarragan?
...1088 etxebizitza huts.
Azkenik, Urretxuko Arau Subsidiarioen aldaketa puntualak egitea planteatu du udal gobernuak, arau subsidiarioen errebisio osoari ekin aurretik. Urretxu 7000 biztanleetara iristea, 400 etxebizitza berri egitea, herri gainetik doan errepide berria, Ikastolaren proiektu berria...
Hitz potoloak dira aipatutakoak! Ez da txantxetako kontua! Gaiak azterketa orokorra eskatzen du eta egun, ez da halakorik egin inondik inora.
Ez dago trafiko azterketarik, ez dago etxebizitza demandaren azterketarik, ez dago eboluzio demografikoaren azterketarik, ez dago zerbitzu mailako beharren inguruko azterketarik...


TRAFIKOA
Urretxuko herria gainetik zeharkatuko duen errepidea aurkezten digu udal gobernuak, Iparragirre-Labeaga-Ipeñarrieta-ko ardatzari alternatiba eskaini asmoz eta beheko trafikoa arintzeko. Arau Subsidiarioen aldaketen ardatz nagusia izan da hasieratik eta trafikoaren arazoaren "konponbide" gisa azaldu digute.
Trafikoaren arazoa konpontzeko lehenik eta behin azterketa serio bat egin behar da. Honela, azpimarratu egin behar da, udaletxean ez dagoela trafikoari buruzko ikerketa teknikorik zeinak erdiguneko trafikoaren arazoa konpontzeko, Urretxuk beste errepide paralelo bat behar duela esaten duenik. Ondorio hori Alkateak egindakoa da, arkitektoarena egiten jolasten ari zela. Argi geratu dadila, goiko errepidea ez da inongo azterketaren emaitza, Alkatearen "uzta propiokoa" baizik.
Iparragirre-Labeaga-Ipeñarrieta ardatzean herriko zerbitzugune gehienak egonik, goiko auzotarrak behera autoz jaisten dira, erdigunean dagoen aparkaleku eskasiagatik arazoa larritzen delarik. Beraz, goiko errepideak ez du Iparragirre-Labeaga-Ipeñarrieta arinduko, arazoa bere horretan, beheko ardatzean, jarraituko du eta. Goiko errepidearen funtzio bakarra bertako auzoen barne komunikazio eta irteera ematea baino ez da izango.
Teknikoki errepide berriak suge itsura izango du, bira asko eta goitibehera gehiagorekin, Lilibasoko tarteak trafiko astuna jasateko arazoak izango dituelarik, azken hauek beheko aldetik pasatzen jarraituko dutelarik.
Bestalde eta Urretxu alderik alde zeharkatzen duen trafikorako Zumarragako bariantea dago, zeina Apariziotik Eitzarako tartea nabarmen lasaituko den Beasain-Durangoko hurrengo lur azpiko errepidearekin.
Berriro diogu, trafiko azterketa serio bat behar da eta ezinbestekoa da gaia Zumarragarekin lantzea, errepideak Urretxu eta Zumarraga hiri nukleo bakartzat hartuta. Bi herrietako erdiguneak, zerbitzu eta komertzioz betea, ibilbide mankomuna behar du, zirkuitu moduko bat eta bi herrien artean koordinatua.
Gainera, zirkulazioaren arazoa baino larriagoa aparkalekuarena da. Bi herrien artean aparkalekuak sortu behar dira, erdiguneko kongestioari irtenbidea emateko. Urretxuko erdigunearen arazoaren soluzioa neurri handi batetan Zumarragarekin batera egin beharreko elkarlanean egongo da.


ETXEBIZITZA
Behin da berriz Urretxu 7000 biztanleko herria bihurtu nahi dutela entzun diegu udal gobernuko ordezkariei eta herritarren etxebizitza eskaria asetzeko 400 etxebizitza berri egin beharko liratekeela. Egun, udaletxeak ez du inolako azterketarik egina herriko etxebizitzen beharra jakiteko. Berriro ere Alkatearen "uzta propioko" ondorioekin gabiltza.
Halako kopurua eraikitzeak etxebizitzaren prezioa "jaistea" eragingo lukeela esan digute eta gure gazteek "gure herrian" (eta beraz, ez ondokoan) bizitzeko aukera gehiago izango luketela. Hori pagotxa!
Gainera, goiko errepide berria ibilbidean zehar eraikiko liratekeen etxebizitzen bitartez finantzatuko litzateke, horretarako behar diren prezio libreko etxebizitza kopurua kalkulatua dutelarik. Beraz, errepidea ordaindu behar denez ezingo da etxebizitza sozial gehiegi eraiki, bere ordez prezio libreko etxebizitza bultzatuko delarik.
Bestalde eta aurrerago aipatuko dugun gaia izanik ere, Ikastolak badu eraikuntza berria eraikitzeko proiektu propioa. Berau ere, Pagoetan libre utziko lukeen lurretan eraikiko liratekeen etxebizitzekin finantzatuko litzateke. Hauek ere prezio libreko etxebizitzak. Kalkuluak eginak daude hemen ere...
Apaizei "kentzen" zaien terrenoetan eraiki beharreko etxebizitzak ere prezio librekoak.
Beraz, Urretxun ezingo dira etxebizitza sozialak egin, errepide berria ordaindu behar bada eta Ikastola berria egin nahi bada. Etxebizitza sozialaren eskaria eta gure gazteak herrian bizitzeko aukerak alde batera geratuko dira. Eta guzti hau posible egingo duen Arau Subsidiarioen aldaketa bultzatzen dihardu egungo udal gobernua.
Izan gaitezen zentzudunak! Hau ez da serioa! Askotan ez dakigu etxebizitzaren arazoaz hitz egiten ari direnean, etxea behar eta ez duenaz ari ote diren, edota konstruktora eta inmobiliarien espekulazio eta negozio bide berrien beharraz ari ote zaizkigun. Errepide berriak orain arte etxebizitza eta eraikuntzaren espekulaziotik kanpo izan diren lur sail berriak "ukituko" lituzke ere.
Etxebizitza sozialari bide eman behar zaio eta egungo espekulazio politikak albo batera utzi. Etxebizitza hutsaren gaiari konbentzimenduz heldu behar zaio eta ez azaleko kontabilizazio batean geratu. Aipatu ere "entreplanten" gaiarekin sortu den zurrunbilo berria, espekulazio berriei bide emanez.
Berriro diogu, etxebizitzaren inguruko azterketa serio bat beharrezkoa da. Eta Urretxu eta Zumarragaren artekoa bada askoz hobe, "Plan Territorial Parcialak" dioen eta gomendatzen duen bezala. Bi herriek duten etxebizitza dentsifikazio maila altua kontutan izanik, hazkundeak kontrolatuz eta bilakaera demografiko eta gizarteko ohitura berriei egokituriko alternatibak emanez.


ZERBITZUAK
Halako hazkunde nabaria helburu dutenek ez dute zerbitzuen alorrean inongo aipamenik egiten. Ez dago zerbitzu sozialei eta publikoei buruzko azterketarik, egungoak nahikoa ote diren, ez eta aurrera begira berriak beharko diren aurreikuspenik ere, baldin eta herritar kopurua handitzen bada.
Kirol gune, aisi gune, berde gune, aparkaleku, zerbitzu sozial, kultur gune... eta abarrei buruz ez da ezer ez aipatzen eta ez dago inongo azterketa txostenik gai hauen inguruan.


KANPITOKO KIROL GUNEA
Egun Kanpitoari begira dago Ikastola berriaren proiektua. Ikastola egoitza berria planteatzeko zilegi izanik ere, herri ikuspegitik ñabardura batzuk egin beharrekoak dira aurkezturiko proiektuari.
Gaia ezin da herriaren mesederako izango den Ikastola eta udalaren arteko trukaketa bat bezala planteatu, oraingo kirol guneak duen azaleratik, Ikastola berriko kirol guneak izango duen azalera txikiagora pasako ginatekeelako.
Bestalde, herriarentzako erabilgarri izango den aparkalekua periferian dago eta egun aparkaleku beharra ez dago han, erdigunean baizik. Honek ez du herrian dagoen aparkalekuen arazoa konponduko.
Azkenik, Pagoetan espekulaziorako lurzoru berria sortuko litzateke, prezio libreko etxebizitzak eraikiz eta "Kanpo Batalla" inguruan eraikuntza interes berriak sortuz.

Urretxun, 2005eko ekainaren 20an.

Sobre las normas subsidiarias...

Os hemos reunido a los medios de comunicación hoy, aquí, con el objeto de hacer pública nuestra opinión referente a las normas subsidiarias de Urretxu y los diferentes proyectos que se están planteando.

ASPECTOS URBANISITICOS DESDE EL AYUNTAMIENTO
Desde Alcaldía se ha trasladado a la opinión pública de Urretxu mediante la prensa y la revista municipal única y exclusivamente información interesada. Por desgracia se ha convertido en costumbre, que la discreción que se solicita a los diferentes partidos referente a los temas y proyectos tratados en las diferentes comisiones municipales, se rompa con la difusión de información que en cada momento les interesa y en ningún caso contrastada con los demás partidos políticos, por parte del partido gobernante.
De esta manera, se nos afirma que la base para dar la solución a los problemas de tráfico y vivienda, se encuentra en la construcción de una nueva carretera y 400 nuevas viviendas.
Mientras en los medios de comunicación especulaban con la modificación de normas subsidiarias referente a los nuevos proyectos, han intentado continuamente condicionar a la opinión pública de Urretxu a favor de proyectos que no cuentan con ningún estudio serio que los sustente.
Solo nos trasladan los aspectos positivos en los objetivos de los proyectos, sin embargo consideramos que es necesario analizarlos mas completamente.
Desde HERRIBIDE deseamos proceder con responsabilidad, trasladando información completa a la ciudadanía y fomentando el debate público sobre el mismo. Es por ello que con ese compromiso, deseamos analizar los diferentes aspectos:

NORMAS SUBSIDIARIAS
Primeramente deseamos comentar las siguientes reflexiones sobre las modificaciones de las normas subsidiarias:
Por un lado, es muy importante destacar que no se puede estudiar el tema de Urretxu como si de una isla solitaria se tratase, esto es, que es impensable un análisis serio en las diferentes materias de tráfico, vivienda, aparcamientos, servicios públicos, y otra serie de problemáticas, sin tener en cuenta al municipio de Zumarraga que se encuentra pegado. Al otro lado del Urola mas que problemas debemos encontrar soluciones.
Queramos o no, los dos municipios conformamos un mismo casco urbano, y es desde esa misma perspectiva desde la que tenemos que trabajar coordinadamente en la búsqueda de soluciones de los diferentes problemas que se nos presentan. En esos mismo términos se refiere el "Plan Territorial Parcial": "En el Alto Urola se propone la compatibilización de los planeamientos de Zumarraga y Urretxu". Al día de hoy, no se da este caso.
Por otro lado, y remitiéndonos nuevamente al "Plan Territorial Parcial" éste nos dice que: "En el área de Zumarraga-Urretxu no deberán plantearse crecimientos significativos, dado el actual grado de densificación tal que se aconseja limitar los nuevos desarrollos, básicamente, a las calificaciones actualmente existentes permitiéndose, exclusivamente, pequeñas recalificaciones para vivienda pública".
Sin embargo, en Urretxu desean construir 400 viviendas y 1500 en Zumarraga. Esto es, 1900 nuevas viviendas. Alguien recuerda el número de viviendas vacías que se encuentran en Urretxu y Zumarraga?
...1088 viviendas vacías.
Para terminar, el gobierno municipal se plantea la modificación puntual de las normas subsidiarias antes de recurrir a su renovación global. Desean llegar a los 7000 habitantes para Urretxu, construir 400 nuevas viviendas, una nueva carretera por encima del casco urbano, la construcción de un nuevo centro para la Ikastola, …
Estamos hablando de cosas muy serias! Y de enormes proyectos con mucha incidencia en el pueblo! Hay que ser conscientes de que semejantes proyectos exigen un análisis global, cosa que no se ha realizado hasta la fecha. No existe ningún estudio de tráfico, ni estudio sobre la demanda real de vivienda, ni ningún análisis sobre la evolución demográfica, ni tampoco sobre las futuras necesidades en materia de servicios públicos.

TRAFICO
El gobierno municipal nos propone la construcción de una carretera por encima del casco urbano que lo atraviesa lateralmente, como alternativa al eje conformado por Iparragirre-Labeaga-Ipenarrieta, con el objeto de aliviar el tráfico a su paso. Dicho proyecto ha sido el argumento principal para que se proceda a la modificación de las normas subsidiarias, y se nos ha presentado como la solución al problema del tráfico.
Consideramos que la solución al problema del tráfico necesariamente debe pasar por un estudio serio del mismo. Sin embargo hoy por hoy el ayuntamiento de Urretxu no cuenta con ningún estudio de tráfico que le indique la necesidad de construir otro vial paralelo. Esa conclusión se la ha inventado el Sr. Alcalde jugando a ser arquitecto. Queda claro pues que este proyecto no es consecuencia de un estudio técnico, sino que fruto de los deseos particulares del Sr. Alcalde.
En el eje conformado por las calles Iparragirre-Labeaga-Ipenarrieta se encuentran todos los servicios del municipio, y es allí donde se concentrarán todos los vehículos de los vecinos de la parte alta y baja de Urretxu, y dada la escasez de aparcamientos, la problemática se va a agudizar en gran medida, por lo que ese nuevo vial en sí no va a solucionar nada, la gran densidad de vehículos seguirá concentrada en el eje antiguo. La única función que ostentará el nuevo vial será la de dar salida y entrada a los nuevos vecinos de la zona.
Técnicamente, el nuevo vial es totalmente serpenteado, con muchos giros y vaivenes, con el complemento de que el paso por Lilibaso puede ser problemático para los vehículos pesados, incluso está claro que estos vehículos pesados seguirán circulando por el antiguo eje.
Hay que tener en cuenta también que, Urretxu y Zumarraga cuentan con una variante que las atraviesas, y que a corto-medio plazo con la construcción de la carretera Beasain-Durango el vial entre Gº Aparicio e Eitza se aliviará considerablemente.
Por tanto nuevamente queremos incidir en la necesidad de realizar un estudio técnico serio, que encuadre a los dos municipio de Urretxu y Zumarraga, conformando un único núcleo urbano. El casco urbano de los dos municipios debe complementarse conjuntamente con las zonas de servicios y comercio, en un único circuito conjunto y coordinado.
Consideramos además que más problemático que la circulación del tráfico urbano es la falta de aparcamientos. Es necesario paliar esta necesidad con la construcción de aparcamientos entre los dos municipios que descongestionen el centro urbano. La solución al problema del trafico en el centro urbano de Urretxu vendrá de manera coordinada con la de Zumarraga.

VIVIENDA
Continuamente hemos escuchado de boca de los representantes del gobierno municipal su intención de llegar a los 7000 habitantes para Urretxu, y de la necesidad de construir 400 viviendas nuevas para paliar dicha necesidad. Hasta la fecha, no existe ningún estudio que nos indique cual es la necesidad real de vivienda. Nuevamente estamos ante otra maravillosa idea del Sr. Alcalde.
Se nos dice que la construcción de dicha cantidad de viviendas, tendrá como consecuencia aminorar los costes de la vivienda, y en consecuencia posibilitar que la juventud pueda quedarse a vivir en nuestro municipio sin tener que ir fuera.
Incluso además que el gasto de la construcción de la carretera de la zona alta se financiaría con la construcción de dichas viviendas para lo que tienen calculado la cantidad de viviendas de carácter libre que se van a construir.
Está claro que para la financiación de la carretera no será posible construir viviendas de carácter social, por lo que se fomentará la construcción de viviendas libres.
Otro de los temas que también trataremos mas adelante, es el hecho de que la Ikastola cuenta con un proyecto propio para la reconstrucción de un nuevo centro. Ese mismo proyecto se financiaría mediante la cesión y construcción de viviendas en el solar donde se encuentra ubicada en la actualidad. Estos también serian viviendas de precio libre. En este proyecto también los cálculos ya están hechos, … cuantas viviendas libres?
En los terrenos que se van a desposeer a los "pasionistas" también se construirán viviendas de precio libre.
Por lo tanto, en Urretxu no se podrán construir viviendas sociales, si con ellas hay que financiar la nueva carretera, y la nueva Ikastola. La tan reivindicada posibilidad de construir viviendas sociales, y de que nuestra juventud se quede en nuestro municipio no se van a poder llevar a cabo. Y sin embargo el gobierno municipal sigue con la intención de modificar las normas subsidiarias para llevar adelante los mencionados proyectos.
¡Seamos serios y coherentes! Continuamente hablan de construir viviendas, y sin embargo no lo hacen pensando en aquellos que lo necesitan y no lo tienen, sino que más bien con la intención de abrir mas posibilidades a las empresas constructoras e inmobiliarias en su afán especulativo.
Necesariamente tenemos que fomentar las viviendas sociales y luchar contra la especulación y las políticas que la favorecen. Es necesario también trabajar con convencimiento el tema de las viviendas vacías, e ir mas allá de la pura contabilidad. También es de destacar la aureola que se está gestando con el tema de las "entreplantas" dando pie a mas posibilidades para la especulación.
Como anteriormente decíamos, es necesario un análisis serio sobre vivienda. Y si es entre Urretxu y Zumarraga mucho mejor, tal y como dice y recomienda el "plan Territorial Parcial". Teniendo en cuenta la alta densificacion de los dos pueblos, se han de dar alternativas teniendo en cuenta el desarrollo demográfico y controlando el crecimiento, además de adaptarse a las nuevas costumbres de la sociedad.

SERVICIOS
Quienes tienen por objetivo semejante crecimiento, en ningún momento hablan de servicios al ciudadano/a. No hay estudios sobre servicios sociales y públicos, sobre si los actuales son suficientes, ni previsiones de sí en un futuro se necesitaran nuevos servicios, tal y como prevén crezca la población.
Zonas deportivas, zonas de recreo, zonas verdes, aparcamientos, servicios sociales, espacios culturales... sobre estos temas no se hace ningún tipo de mención y no hay ningún estudio al respecto.

ZONA DEPORTIVA "KANPITO"
En la actualidad el proyecto de nueva Ikastola mira a la zona del "Kanpito". Siendo legitimo que la Ikastola plantee su propio proyecto de nuevo centro, desde una perspectiva de pueblo hay que realizar una serie de matizaciones.
El tema no se puede plantear como un trueque entre Ikastola y el municipio, ya que hay una importante disminución en área entre la actual zona deportiva respecto al nuevo proyecto.
Por otra parte se ofrece al municipio un aparcamiento en la periferia y no es allí donde esta la necesidad de aparcamiento, sino que dentro del núcleo urbano. Este aparcamiento no solucionara el actual problema del municipio.
Por último, en Pagoeta se creara otro terreno para la especulación, edificando viviendas de precio libre y generará nuevos intereses inmobiliarios en la zona de "Campo Batalla".

Urretxun, 2005eko ekainaren 20an.

Altxa ta ekin bakearen alde (2005/05/17)

Iragan martxoaren 5ean Gatazkaren Konponbidea Sustatzeko Batzordeak, Euskal Herriaren erabakitzeko eskubidea oinarri duen Gatazkaren Konponbiderako Oinarrizko Hitzarmen Demokratikoa aurkeztu zuen Bilbon. Dagoeneko 50 bat eragile politiko, sozial eta sindikalek egin dute bat. Sinatzaileen artean sei alderdi -Batasuna, EA, Aralar, Abertzaleen Batasuna, Zutik, EAE-ANV- eta zazpi sindikatu -ELA, LAB, ESK, EILAS, EHNE, ELB eta HIRU-. Euskal Preso Politikoen Kolektiboak ere Konponbiderako Oinarrizko Hitzarmena sinatu zuen, Konponbidea Sustatzeko Batzordearekin bildu ostean.
Martxoaren 13an eta Berriari eskainitako elkarrizketa zabal batetan, Martin Aranburu, Gatazka Konpontzeko Batzordeko kideak (orduan EAko legebiltzarkide eta zuzendaritzako kide), “eragile politikoen iritzia inportantea bada, presoen iritzia ezinbesteko pieza da” zioen. “Nire ustez, ez da gehiegi baloratu akordioan iheslari eta preso politikoen kolektiboaren sinadura hor egotea” gehitzen zuelarik.
Alec Reid berak, Irlandan bitartekari lanetan aritutako apaiz katolikoa eta Oinarrizko Hitzarmenean partaide, behin da berriz adierazi du irlandar prozesuan preso politikoek izandako parte hartze garrantzitsua.
Era berean, EPPK-k borroka ekimen berri bat hasi zuen txandakako gose grebak eginez, presoen kolektiboaren izaera politikoa aldarrikatuz eta bake prozesu batean agente politiko bezala aitortua izateko.
Hurbilera etorriz, martxoaren 14an eta Urretxuko Udal Batzarrean, Euskal Preso Politikoen Kolektiboaren izaera politikoa, eta beraz, bizi dugun gatazkaren konponbiderako bidean eragile izatearen behin behineko onarpenerako mozioa aurkeztu zen. Mozioa atzera bota zen.
Bestalde, orain egun gutxi, “Zutik jarri bakearentzat” ekimena aurkeztu da Urretxun. “Euskadi eta Irlanda hurbiltzeko” Hego Euskal Herria eta Derry City zeharkatuko duen “Bake eta humore autobusa” antzerki obra izango delarik batetik eta ekimen hau babesten duten herrietako udal ordezkarien instituzio mailako elkartrukea bestetik.
Azken honi heldu nahi genioke une batez. Bakearen inguruan horrenbeste hitz egiten den garai hauetan, bakeaz hitz egiteaz baino, bake ekintzetaz aritu beharraz ohartu duenik bada. Airez baino puzten ez den globoa lehertuz gero, ezer ez dugunaz konturatuko garela alegia.
Eta halako zerbait sumatu genuen lehengoan ekimen honen aurkezpenean udal ordezkarien hitz hutsak entzun eta irakurtzerakoan. Bakeaz hitz egiterakoan, arduraz jokatu eta benetako konpromisoetaz hitz egin behar dela uste dugu. Bakea helburu izanik, honek irudikatzen duen bidean abiatzeko konpromisoa, borondatea, zintzotasuna dira ardatzak, eta nola ez, interes pertsonalistak alde batera uztea ezinbestekoak dira.
Era berean kezkatu egiten gaitu euskal gatazka politikoaren inguruan eta berau gainditzearen aldeko ekimenak udaletxera eramaterakoan, udal gobernu ordezkariengan gaiak sortarazten dien deserosotasuna eta kontrako jarrera, beraien arduragabekeri eta inkoherentzia behin eta berriz agerian geratzen direlarik. Ez dakigu alde bateko edo besteko ekimenak bultzatzerakoan, ez ote diren alderdikeriazko etekin ikuspegitik neurtzen. Ez dakigu helburua bakea ote den edota egun bateko prentsa titular eta argazki interesatua.
Euskal Herriko egoerarekin hainbat bider parekatu den Irlandar kasuan, gure udal ordezkariek -orain arte erakutsitakoarekin behintzat- ezer gutxi aportatu dezaketenaren zalantzan gaude. Beraz, Derry Cityra doazenerako herritar gisa eskatzen diegun gauza bakarra, Euskal Herrian ere baliagarri izan daitekeen guztiaren aurrean adi egotea da, gero etxean aplikatu ahal izateko, Irlandan onartua dagoen preso politikoen eragiletza politikoa aintzat hartuz adibidez.
Presoak eragile politikotzat onartzea, legez kanporaturiko herri plataformekiko jarrera aldaketa, etab… herri honentzat beharrezkoa den konponbiderako lehenengo urratsak izan daitezke. Gu prest gaude bide luze horretan urrats sendoak emateko.
(Oraindik gogoratzen dugu, duela urte batzuk egungo alkate buru zela nola galarazi zitzaion herriko kultur talde bati Irlandari buruzko argazki erakusketa ibiltari bat herriko erakusketa aretoan agertzea, Irlandarena gai politikoa zela argudiatuz. Gai serioa izango ez balitz McRae beraren txiste bat litzatekeela pentsatuko genuke.)